موقع للشاعر عبد العظيم احمد

بسم الله الرحمن الرحيم


الشاعر عبدالعظيم احمد العوض من مواليد قرية درويش سنة 1953م متزوج واب يعمل في مجال الزراعة كذلك عمل في التشيد والاشغال في كل من الخرطوم والدمازين من سنة 1973ـــ 1987 ومنها الي المملكة العربية السعودية حتى العام 2002م. له العديد من القصائد الوطنية والعاطفية. متعه الله بالصحة والعافية وجعله رمز من رموز البلد الذين اسهموا بالكلمة الصادقة التي تعبر عن شيم مجتمعه الحافل بالمكرمات التي حباه الله وامثاله بها . ونعرض اشعاره هذه لانها كشفت عن صدق سريرته تجاه بلده وحبه العظيم له واشعاره لم تقف عند وطنه فحسب بل امتدت حتى قيادات الدولة رؤساء وولاة فضلا عن دندناته التي تحكي عاطفته الجياشة متقلدا سمت ماحذاه الشعراء العرب
اليكم بعض قصائده:ـ
الصدفة
مامصدق دي صدفة اصادفة بكلمات عفيفة الاطفة
نظرة مني ونظرة منها اوالفة عفيفة على ايدنا الشفا
لولا مالزمان كان قلبي اكاشفة بعد ماتروح انا حالي بقدر بوصفة
******
اصبح اعيش في خيالة البيجي طيف البيبرد عليا شمس الصيف
بتفوت تخلي غريب زي الضيف زي مركب تايهة مابعرف كيف
ياربي انا تاني اشوفا كيف ياربي انا تاني اشوفا كيف

يابلة ماك هيــــــــــــــــن وماك الخيزران اللين
للاخوان ظاهر ومتبين وفي طبعك دايما مدين
******
تستاهل العلم والدراسة و الشرف والعفاف وارثو وراثة
رفعت راية درويش وعليت شانا بنيت المدرسة وقويت ساسة
******
بعتوا مانسيتوا الاهل والجيران ووفرتوا الموية للعطشان
يالاخوك سعيد عظيم الشان اول من هاجر فكر في الديوان
وكمان ابن القرية عثمان الخلى طلبنتا في امان
بنى الكنا بنتمناه من زمان وضع لينا غاية ومكان
******
يابناء محمد علي سيرتكم ملت البلد ملي
واصبحتوا زي شمس لمن تنجلي وبقت درويش بيكم اية
يحكو بيها حكاية ليها حققتوا القاية والله رفعتوا الرايــــــة
وازدادت علم وهداية وبتمنى ليكم الجنة ومن الله ده رجايا
******
معروفة اســـــــــــــــــرة طبـــــــــع واصــــــــــالة
ودريش حققتوا امــــــالا بنيتوا المدرسة بدون استحالة
كل القرى تتمنى حالا صحي البلد ببنوها اجيالة
زيارتكم ولو على عجالة عشان اتسع مجـــــــــــــالا

ماشاء الله عليك ... وين انت من زمان .؟

في معيتنا الكثير من درر الشاعر عبدالعظيم سوف نقوم بنشرها ان شاء الله

تسلم ياعمار
وياريت تشرف علي احد الاقسام شوف تحت الاسم تلقي عبارة تستطيع الاشراف علي المنتدي

اوكومبو
ابى قلمي الا ان اكتب وابى لساني الا ان يشن ويشجب
يدين ويستنكر الجبان اوكامبو الذي مس عز رمز عزتنا
هيهاتو هيهاتو يااوكمبو هيهاتو لملم قرارك هاتوا
كانو كفر فى الملعب البشير شاتو البشير يفديوه شعبو ولو وراه واحد واحد ماتوا
شعب مثقف خمسة وععشرين جامعاتو شعب عالى عالي نيران خلوتوا
شعب ذادت للنبي ص صلواتوا شعب ما ربرضي للبلد شتاتوا
هيهاتو هيهاتو يا اوكمبو هيهاتو ما ليك شعرة فى المشير فى زاتو
بشير يحكم البلد والحكم منو بقياداتو هيهاتو هيهاتو يا اوكمبو هيهاتو



القيادة
يابشير عازة منك مشكورة ياما جعلت غابات الحرب ميدان كورة
ياما سريت البلد بالشورة ياما خليتا بالسلام في العالم مشهورة
وسعتا الزراعة الكانت محصورة زلتا المحنة الكانت على البلد خطورة
ونورت الخلاوي الكانت مهجورة بنيت المدارس وعليت سورة
واصبحت العيشة لينا ميسوره واصبحت الموية فى كل بيت بالماسوره
وبيعتنا كانت ليك بالملائكة محضورة واصواتنا كانت ليكم مربوطة ومصرورة
احنا قبيائل زي قضبان مقطورة من اجل الجامعات العاليا نورة
عشان بت الرجال الفي المكاتب مستورة مادام دي القيادة البيتمناه كل زول وبدورة



امل الجزيرة
والينا والي الهنا تكون والي لينا يابختنا يابختنا
بالجزيرة اهتما واعتنا تفخربيك الجزيرة وتقول امك ولدت الجنا
ربنا يحفظك ويحفظلك الجنا وديارك للكرم مطمئنا

والينا صدق فيك المقال لانك باليقين غني ومستور حال
انت لكل محلية شاد الرحال همك الاول والاخير راحة البال
الكريم يمجدك تمجيد ويمدك بجنات بدون تحديد
لانك سخي وعطاي بدون ترديد وهمك دايما للجزيرة شديد
من ايدك الجزيرة ضاكت السعد دايراك فوق وربنا يقرب الوعد
وافضالك على الناس مابتتعد مهماصعبت الظروف او اشتدت
ومكتبك للضيوف مابنسد وكلما حسبتهم ما بتجد ليهم عد



عزة السودان
ياعزة بالسلام ازينتي وبقيتي زي عروس بكرى
اعيشوا حكامك البسلام خلدوا فيك اجمل الزكرى
ما اصلك ست سماحة وبت سماحة عايشة على الفطرة
والمهاجر منك يعاودا الحنين وحالة يطرا
نحن نفديك بروحنا ودمنا لاخر قطرة
حالفين باليمين ما بنفرط في ارضك ولاشبرا
ان جانا المستثمر بمدوا بايدنا والخبرة
ان جانا العدو بنضيقا علية ونمرقوا بقد الابرة


زبيرامل الجزيرة الخضراء
مليون سلام بطل السلام مليون سلام الزبير بشير طه
بيك الجزيرة تلقى رضاها ده من زمان كان رجاها
فرحانه بالزبير الجاها بعد ماكانت في متاها
الجزيرة ليك يازبير اصفت بعد مافرقها الخير وجفت
زمان ادت واوفت بخيرة للسودان كفت
رجاك يا زبير تعيد ليها الماضى وانت لفرقة ما تكون راضي
تكون يا زبير من الزيرو بادي تروي وتزرع كل وادي
واخيرة يهتف وليك انادي وتقول انت املي وبعد الله اعتمادي
وتقول ازرع ما مزراع ولزراعتك ارفع يا زبير لغير الله لن تركع
نحناوراك حالفين لن نرجع ولاختارك ليه والله ابدع
امانه الجزيرة ليك اروع وتاني منها لن ترجع
وين القطن وين القمح وين الفول وين باقي المحصول
انتي ياجزيرة كنتي الام كنتي الاصول والبتهاون فيك مننا مفصول
دايرة رجال مثلك اهل اصول فرحانة بيك من يوم الوصول
وعبدالعظيم فيها فرحان يجول ابشري ابشري ياجزيرة الخير
مادام حكامك ياهن ديل فيهم زبير بشير طه يشد الحيل
وفيها رجال بقيموااليل وفيها جنود راكبين الابل والخيل

بشري ابشري ياجزيرة الخير مادام حكامك ياهم ديل


التحدي
هاكم كلمات مولودة جديدة فتشوا عليها تلقوها في مجله اوجريدة
او اذاعه محطه تلفاز عندها ليكم التعيدة
دي كلمات مولودة لامه فرحانة بجديدة
لعروس كانت وما زالت تتبرع بمافي ايدى
لام كانت وما زالت تتبرع بوليدة دي كلمات مولودة لقيادة رشيدة
السلام اصبح غناها ونشيدة
دياكلمات شاعرة عبد العظيم يكرر فيها ويذيد في تريدا
بالله عليكم وجدتوا ليها نديدا
دي عشان بلدي بهواها وبريدا من شمالا لصعيدا
دي البلد العامرة بسجودة الخضراء من اولا لحدودا

ldi ldi ,hggi