تبقى أكيد فى السودان !!

تبقى أكيد فى السودان !!
• لو بحثت عن خط (عبور مشاة) أو (أمامك مدرسة) أو(منحنى) فى كل (العاصمة) ولم تجده تبقى أكيد فى السودان
• لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان
• لو (لبد) ليك شرطى (مرور) فى نهاية شارع (إتجاه واحد) وخلاك لمن دخلت وجاك بى (دفتر إيصالاتو)… تبقى أنت أكيد فى السودان
• لو لقيت فى بلد ما فيهو (معينات البحث العلمى) وكل يوم الجامعات تناقش (خمسين) رسالة دكتوراة و(ميتين) رسالة (ماجستير) … تبقى أنت أكيد فى السودان
• لما تلاقى الترزى كاتب على باب المحل بتاعو آيه بتقول ( وفصلنا كل شئ تفصيلا) صدق الله العظيم … تبقى أنت أكيد فى السودان
• لما تخلص تدخل (مكان) وتيجى تركب عربيتك تلاقى (المساحات) مرفوعه عشان تعرف على طول انو فى واحد مسحها ليك وح ياخد منك ألف جنيه
• لو قرأت الصحف فى 1987 و فى 2016 عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد فى السودان
• لو أهم (كبرى) فى عاصمة البلد صيانتو عاوزة ليها (سنتين) .. … تبقى أنت أكيد فى السودان
• لو لقيت طالب بيقرأ (طب) ونسبتو 59% …. تبقى أنت أكيد فى السودان
• لو إتقدمت لى وظيفة وعندك (امتياز) وقامو عينو زميلك العندو (مقبول) طبعا يبقى انت اكيد اكيد فى السودان
• لو دخلت (الوزارة) وإنت مؤجر فى (زقلونا) وطلعت وعندك عمارتين فى (قاردن سيتى) …. تبقى أنت أكيد فى السودان
• لو إشتغلت فى الخدمة المدنية 30 سنه وأدوك معاش شهرى يساوى 6 كيلو لحمة …. تبقى أنت أكيد فى السودان
• لو تقدم إبنك (المهندس) لشغل وظيفة وكان (الإنترفيو) عن (صلاة الجنازة) …. تبقى أنت أكيد فى السودان
• لو عندك (الكلية) اليمين متعطله وعاوزين يشيلوها ليك قامو (إستأصوا) الشمال السليمة لأنو (الدكتور) كان ماسك الأشعة (بالمقلوب) …. تبقى أنت أكيد فى السودان
• لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر…. تبقى أنت أكيد فى السودان
لو قريت الحاجات الفوق دى كلها ولقيتها موجوده وما لقيت إنك فى (السودان) تبقى أكيد (غلطان) !